Rara Pharmacy

अर्गानिक कृषि उत्पादन गर्ने उत्कृष्ट कृषकलाई 'नायक नायिका' घोषणा गर्दै कर्णाली सरकार

सेरोफेरो
अर्गानिक कृषि उत्पादन गर्ने उत्कृष्ट कृषकलाई 'नायक नायिका' घोषणा गर्दै कर्णाली सरकार

२७ वैशाख । कर्णाली प्रदेश प्रदेश सरकारले उत्कृष्ट उत्पादक नायक नायिका घोषणा गर्न लागेको छ । भूमि व्यवस्था, कृषि तथा सहकारी मन्त्रालयले अर्गानिक वस्तु उत्पादनमा उत्कृष्ट कार्य गर्ने दुई जना व्यक्तिलाई नायक नायिका घोषणा गर्न लागेको हो । 

 

अर्गानिक बस्तु उत्पादनमा कृषकहरुलाई हौसला दिन उत्कृट उत्पादन नायक नायिका घोषणा गर्न लागेको मन्त्री विमला केसीले जानकारी दिईन् । सरकारको लक्ष्य अर्गानिक उत्पादनलाई प्रवद्र्धन गर्न कार्यक्रम सञ्चालन गरिरहेको बताउँदै मन्त्री केसीले अर्गानिक खेतीमा लागिराख्नु भएका दुई उत्कृष्ट उत्पादकलाई पुरस्कृत गर्ने तयारी गरेको जानकारी दिईन् ।

 

अर्गानिक खेतीतर्फ कृषकलाई आकर्षित गर्न यो अभियानले थप सहयोग पुग्ने अपेक्षा केसीको छ । मन्त्रालयले उत्कृष्ट उत्पादक नायक नायिका छनौट गर्न कार्यविधि नै बनाएको छ । सोही कार्यविधि अनुसार प्रतिस्पर्धाबाट प्रदेशबाट दुईजना उत्कृष्ट नायक नायिका सरकारले घोषणा गर्नेछ ।

 

‘मापदण्डमा रहेर जिल्लास्थित ज्ञान केन्द्रले प्रदेशका दश जिल्लाबाट एक/एक महिला र पुरुष छनौट गर्नेछन्’ मन्त्री केसीले भनिन्, ‘उनीहरु मध्य प्रतिस्पर्धाबाट दुई जनालाई प्रदेश सरकारले उत्कृष्ट उत्पादक नायक नायिका घोषणा गरेर पुरस्कृत गर्नेछ ।’ मन्त्रालय अर्गानिक विशेष कार्यक्रमतर्फ ७० लाख बजेट विनियोजन गरिएको छ ।


‘कृषक नाममा रजाईँ चल्दैन’ : मन्त्री केसी
मन्त्री केसीले कृषकको नाम बेचेर अनुदानको रकममा मनपरी गर्नेको दादागिरी अन्त्य भएको बताईन् । मन्त्री केसीले माथिदेखी तलसम्म सेटिङ गरेजस्तो देखिने तर कृषकले अनुदान रकम कहिल्यै नपाउने संस्कारको अन्त्य गर्न लागेको जानकारी दिईन् । ‘कृषकको नाम बचेर अनुदान रकममा मोज गर्नेको रजाईँ अब चल्दैन’ मन्त्री केसीले थपिन्, ‘मन्त्रालयले अबदेखी वास्तविक कृषककै हातमा अनुदान रकम दिनेगरी लागिरहेको छ ।’

 

काम गरेको आधारमा कृषकहरुलाई प्रोत्साहन अनुदान दिइने पनि मन्त्री केसीले स्पष्ट पारिन् । कृषक–कृषकविच व्यवसायिक प्रतिस्पर्धा गराएर उत्पादन क्षेत्रमा आकर्षण बढाउन सस्तो ऋणको व्यवस्था गर्न लागेको मन्त्री केसीको भनाई छ । कृषक पेशामा लागेकै भरमा अपमानित हुन नपर्ने गरी मन्त्रालयले श्रमप्रतिको सम्मान हुने कार्यक्रम सञ्चालन गरिरहेको केसीले उल्लेख गरिन् ।


अनुदानसंगै विमा अनिवार्य : सचिव भारी
कृषकलाई दिइने अनुदान रकमसंग अबदेखी विमा पनि अनिवार्य गर्न लागिएको भूमि व्यवस्था, कृषि तथा सहकारी मन्त्रालयका सचिव राजेन्द्र भारीले बताए । व्यवसायी योजना निर्माण तथा कृषि विमा कृषक स्तर तालिममा बोल्दै भारीले अनुदानसंगै विमा कार्यक्रमलाई अनिवार्य गर्ने नीति अवलम्बन गर्न लागिएको जानकारी दिए । प्रदेशस्तरिय अनुसन्धान केन्द्रलाई उच्चतम उपयोग गर्न स्रोत साधनमा अब्बल बनाइने र थप खोल्ने तयारीमा रहेको उनको भनाई छ ।

 

कर्णालीमा प्राङगारिक विशेषज्ञ राख्ने गृहकार्यमा मन्त्रालय लागेको र उत्पादन तथा उत्पादकत्व क्षेत्र बढाउन कृषक लक्षित विशेष कार्यक्रम लागु गर्ने उल्लेख बताए । सिँचाई कृषिको मेरुदण्ड भएकाले मन्त्रालय मातहत ल्याउने गृहकार्य शुरु गरिएको भारीले जानकारी दिए । कृषकले उत्पादन गरेका वस्तुहरुको बजारीकरण र संकलन गर्न छोटो दुरीका कृषि सडक योजनाहरुलाई विशेष प्राथमिकतामा मन्त्रालयलले राखेको उनको भनाई छ ।

 

६ दिनसम्म सञ्चालन भएको तालिममा कर्णालीका १० जिल्लाका कृषकहरुको उपस्थिति थियो । तालिम कृषि व्यवसाय प्रवद्र्धन सहयोग तथा तालिम केन्द्रले आयोजना गरेको केन्द्रका निमित्त प्रमुख पूर्णलाल सापकोटाले जानकारी दिए ।

 

२०७६ वैशाख २७ मा प्रकाशित

प्रतिकृया दिनुहोस्