Rara Pharmacy

महराद्वारा सरकारी सुविधा फिर्ता

सेरोफेरो
महराद्वारा सरकारी सुविधा फिर्ता

१६ असोज । निवर्तमान सभामुख कृष्णबहादुर महराले सरकारी सुविधा फिर्ता गरेका छन् ।

 

संसद सचिवालयमा कार्यरत कर्मचारीलाई यौन दुव्र्यवहारको आरोप लागेपछि नेपाली राजनिती केहि दिनदेखि तातिएको छ । महराका सञ्चारविज्ञ डिल्ली मल्लले निवर्तमान सभामुखसँग रहेका आर्मी र प्रहरी फिर्ता भएको बताए ।

 

महराको सुरक्षाका लागि क्याप्टेनको नेतृत्वमा १७ सैनिक र प्रहरी निरीक्षकको नेतृत्वमा ११ जना प्रहरी सुरक्षामा खटिएका थिए । गाडी भने संसद सचिवालयको सवारी शाखालाई बुझाइएको मल्लले जानकारी दिए ।

 

सभामुखको हैसियतमा महराले बा२झ १२६८ नम्बरको गाडी चढ्दै आएका थिए । उक्त गाडीलाई बिहिबार दिउँसो संसद सचिवालय अन्तर्गतको सवारी शाखालाई बुझाएको जनाइएको छ । 

 

महराले असोज १४ गते उपसभामुख समक्ष राजिनामा बुझाएका छन् ।

२०७६ असोज १६ मा प्रकाशित

प्रतिकृया दिनुहोस्