Birendranagar Municipality

प्रधानमन्त्रीद्वारा ढल्केवर सब–स्टेशनको उद्घाटन

सेरोफेरो
प्रधानमन्त्रीद्वारा ढल्केवर सब–स्टेशनको उद्घाटन

१९ माघ । प्रधानमन्त्री केपी शर्मा ओलीले नेपालकै सबभन्दा ठूलो ढल्केवर सब–स्टेशनको उद्घाटन गर्नुभएको छ । धनुषाको ढल्केबरमा नेपाल सरकार र विद्युत् प्राधिकरणको संयुक्त लगानीमा देशकै ठूलो ४ सय केभीको सब–स्टेसनको निर्माण गरिएको छ ।

 

विश्व बैंकको सहुलियतपूर्ण ऋण एवं नेपाल सरकार र नेपाल विद्युत प्राधिकरणको संयुक्त लगानीमा निर्मित २२० र १३२ केभी ढल्केबर सब–स्टेसनको प्रधानमन्त्री ओलीले सोमबार उद्घाटन गर्नुभएको हो । सव–स्टेसनमा जडान गरिएको ३१५ एमभीएको थप पावर ट्रान्सफर्मरको गत पुस १९ गतेदेखि चार्ज गरेर सबै परीक्षण सम्पन्न गरिसकिएको छ । हाल सञ्चालनमा रहेकामध्ये सबैभन्दा ठूलो ढल्केवर सव–स्टेशन भएको बताइएको छ ।

 

यो सव–स्टेसन जीआईएस प्रविधियुक्त स्वचालित रहेको प्राधिकरणका प्रवक्ता मदन तिमिल्सीनाले जानकारी दिनुभयो । तिमिल्सीनाका अनुसार पूर्व–पश्चिम र ढल्केबर–मुजफ्फरपुर प्रसारणलाइन र ४५६ मेगावाटको माथिल्लो तामाकोशी जलविद्युत् आयोजनाको विद्युत् पनि ढल्केबरमा चार्ज हुन्छ । ढल्केबर मुजफ्फपुर ४०० केभी प्रसारण लाइनबाट थप १०० मेगावाट बिजुली दिन भारत सहमत भएको उहाँको भनाई छ ।

२०७७ माघ १९ मा प्रकाशित

प्रतिकृया दिनुहोस्